|
|
|
|
|
|
|
Jaargang 23 - Nommer 37 - 28 November 2025
|
|
|
|
|
|
|
|
|
|
|
|
In hierdie uitgawe:
- Sekularisasie in die Weste is verby - sê gesaghebbende data
- Wat kan gemeentes doen om geslagsgebaseerde geweld te bekamp?
- Die hoë sosiaal-maatskaplike koste van 'n nasie wat in dobbelary verval
- Vakatures
- Leraars beweeg
|
|
|
|
|
Geslagsgebaseerde geweld
Hoe lank sal die getal slagoffers bly opstapel? Wat kan gemeentes doen?
|
|
Onder die slagoffers van geslagsgebaseerde geweld tel meer en minder bekende slagoffers. Hoe lank sal die verskrikking bly voortduur?
(Foto: www.heraldlive.co.za)
|
|
Die Suid-Afrikaanse regering het geslagsgebaseerde geweld en die moord op vroue (GBVF) amptelik as ’n nasionale ramp ingevolge die Rampbestuurswet verklaar.
|
Dié besluit volg ná ’n deeglike herevaluering deur die Nasionale Rampbestuursentrum, wat bevind het dat GBVF nou aan die wetlike kriteria vir ’n ramp voldoen, omdat dit ’n voortdurende en onmiddellike bedreiging vir lewens inhou.
|
Volgens die Minister van Samewerkende Regering, Velenkosini Hlabisa, behoort hierdie stap samewerking tussen verskeie staatsdepartemente te versterk — onder meer die polisie, gesondheidsorg, justisie en maatskaplike dienste.
|
Hoewel die verklaring nie noodbevoegdhede aktiveer nie, doen dit wel ’n ernstige beroep op alle sektore van die samelewing — regering, gemeenskappe en individue — om voorkoming te versterk en risiko’s daadwerklik te verminder.
|
Wat kan gemeentes aan GBVF doen?
Hier is 'n paar moontlikhede:
|
1. Skep ’n kultuur van veiligheid en waardigheid
|
- Preek en onderrig gereeld oor menswaardigheid, gesonde verhoudings en respek.
- Spreek geslagsdominasie, vernedering en emosionele mishandeling direk aan as sondes wat lewens vernietig.
- Wees ’n gemeente waar slagoffers gehoor en geglo word.
2. Maak die kerk ’n toeganklike toevlug
|
- Identifiseer veilige persone (leraars, ouderlinge of opgeleide persone) by wie slagoffers diskreet kan aanklop.
- Hou ’n eenvoudige, sigbare verwysingslys in die voorportaal en op die webblad: noodnommers, sielkundiges, CMR, jeugsentrums, polisiekontakte.
- Verseker dat personeel en vrywilligers basiese trauma-reaksie en verwysingsprotokolle ken.
3. Gemeentelike opleiding en bewusmaking
|
- Reël jaarliks ’n Sondag of reeks oor geslagsgebaseerde geweld.
- Bied werksessies aan oor: hoe om mishandeling te herken, hoe om te help, en hoe om self gesonde verhoudings te bou.
- Nooi kenners uit: sielkundiges, SAPS se gesinsgeweldeenheid, maatskaplike dienste.
4. Mansbediening: ’n sleutelrol
|
- Begin gesprekke met mans oor woede, verantwoordelikheid, selfbeheersing en respek.
- Skep klein groepe waar mans eerlik oor hul lewens en uitdagings kan praat.
- Modelleer ’n Bybelse manlikheid wat beskerm en opbou, nie beheer en afbreek nie.
5. Betrokke wees by plaaslike strukture
|
- Werk saam met CMR, FAMSA, hospitale, skole, die polisie en ander plaaslike hulporganisasies.
- Ondersteun veilige huise finansieel of met skenkings (kos, komberse, toiletware).
- Neem deel aan plaaslike 16 Dae van Aktivisme-aksies.
6. Pastoraat aan slagoffers én oortreders
|
- Bied traumaberading of verwysings aan slagoffers.
- Help met noodbehoeftes soos vervoer, klere of tydelike verblyf.
- Werk saam met kundiges in rehabilitasieprogramme vir oortreders, waar moontlik.
- Leer tieners en jong volwassenes oor grense, toestemming, gesonde verhoudings en digitale veiligheid.
- Gebruik kategese, jeugbyeenkomste en kampe om hierdie temas natuurlik en gereeld te laat voorkom.
8. Gebed en profetiese getuienis
|
- Bid gereeld in eredienste vir kwesbare mense en vir die beëindiging van geweld.
- Neem ’n duidelike, openbare standpunt in dat die gemeente teen enige vorm van geslagsgebaseerde geweld is.
- Gebruik die gemeente se invloed om hoop en genesing te bring in die breër gemeenskap.
|
|
Protesaksie teen geslagsgebaseerde geweld op 21 November 2025 in Nelson Mandelabaai (Foto: www.heraldlive.co.za)
|
|
Geslagsgebaseerde geweld is deel van die ontstellende prentjie van 'n hoë misdaad- en moordsyfer in Suid-Afrika. Vroue en kinders dra eintlik 'n dubbele las, die vrees om weens jou geslag en kwesbaarheid die teiken van geweld te wees. "My fear shouldn't be normal," sê die plakkaat hierbo.
|
|
|
|
Kerke vra morele ontwaking oor geslagsgebaseerde geweld
Die Suid-Afrikaanse Raad van Kerke (SARK) sê die land beleef ’n morele krisis oor geslagsgebaseerde geweld en vrouemoord, en verwelkom die president se verklaring van GBVF as ’n nasionale ramp. Volgens die SARK is geweld teen vroue, kinders en LGBTQI-mense ’n ernstige skending van menswaardigheid en in direkte botsing met Christelike waardes.
|
Die NG Kerk is 'n lid van SARK.
|
Die verklaring prys die landwye stilprotes van vroue op 21 November, waar duisende vir 15 minute plat op die grond gelê het om die 15 vroue te herdenk wat elke dag in Suid-Afrika vermoor word. Die SARK vergelyk die oomblik met die historiese vrouebetoging van 1956 en sê dit dui duidelik: dinge kan nie aangaan soos voorheen nie.
|
Met die aanvang van die 16 Dae van Aktivisme roep die Raad kerke op tot selfondersoek oor hul eie soms skadelike kultuur, en tot sigbare optrede in solidariteit met slagoffers. Kerke moet ook regering en regstelsels aanspreeklik hou om vroue en kinders beter te beskerm.
|
|
Klik hier om SARK se volledige media-verklaring te lees.
|
|
|
|
|
|
Gesaghebbende The Economist rapporteer:
Godsdiens kwyn nie langer in die Weste nie:
|
|
Vir die eerste keer in ’n halfeeu wys internasionale data dat die lang opmars van sekularisasie in die Weste tot stilstand gekom het. Ná dekades waarin miljoene mense hul godsdiens verloor het, toon nuwe opnames uit die VSA, Kanada, Brittanje en groot dele van Europa dat hierdie tendens óf stopgesit het, óf selfs besig is om om te draai.
|
In Amerika het die groep wat hulself as “nones” (geen godsdiens) beskryf, van 5% in 1990 tot byna 30% in 2019 gegroei. Maar sedert 2020 het hierdie getal begin stabiliseer. Dieselfde patroon verskyn regoor Wes-Europa, waar die groei in irreligieuse identifikasie dramaties verlangsaam het. In verskeie lande het die Christelike aandeel van die bevolking ophou daal, en onder jongmense – veral Generasie Z – neem Christen-identifikasie selfs toe.
|
Navorsers reken die Covid-19-pandemie is die waarskynlikste draaipunt. Die isolasie, onsekerheid en psigiese spanning van langdurige inperkings het by baie jong volwassenes ’n soeke na betekenis, gemeenskap en stabiliteit aangewakker. Peilings wys dat in al 14 Westerse lande wat deur Pew Research ondervra is, meer mense sê hulle geloof is deur Covid versterk as verswak. Internet-soektogte vir gebed en Bybeltekste het in 2020 wêreldwyd die hoogte ingeskiet.
|
Op kampusse regoor Amerika meld kapelane van ’n toenemende belangstelling in geloofsgroepe en eredienste. Talle jong volwassenes wat geheel buite die kerk grootgeword het, kom vir die eerste keer tot geloof. Doopgetalle onder jong volwassenes het in lande soos Frankryk, Oostenryk en België die afgelope paar jaar skerp gestyg. In Brittanje het gereelde kerkbywoning onder jong mans sedert 2018 meer as verdubbel.
|
|
Nog ’n belangrike verskuiwing is dat ouere geslagte minder vinnig die kerk verlaat as voorheen. In die VSA het die Christelike deel van die bevolking tussen 2020 en 2024 feitlik konstant gebly – ’n opvallende breuk met die vorige, bestendige jaarlikse daling.
|
Wat hierdie ommekeer aandryf – en of dit ’n blywende verskuiwing is – weet niemand nog seker nie. Tog meen kenners dat die beëindiging van grootmaat-uittrede uit die kerk die toekoms van Westerse Christendom ingrypend kan verander. Volgens Pew se projeksies kan Christelike meerderheidsstatus in Amerika nou vir minstens die volgende 50 jaar behoue bly.
|
Die data is duidelik: sekularisme het stoom verloor, en ’n nuwe generasie kyk weer met oop oë na geloof.
|
|
|
|
|
|
Kerkjaarkalender vir 2026
|
Durbanville-Bergsig skep elke jaar ‘n spesiale kerkjaarkalender wat hulle vir alle gemeentes beskikbaar stel. Pragtige illustrasies verduidelik die verloop van die kerkjaar van Advent tot Koninkrykstyd. Gee asseblief erkenning aan die gemeente indien jy die grafika gebruik - klik hier om dit af te laai.
|
|
|
|
|
|
Liturgie en prediking vir Wêreldvigsdag - 30 November
|
Die Sondag naaste aan 1 Desember word jaarliks as Wêreldvigsdag in eredienste hanteer. Vanjaar is dit 30 November, die eerste Sondag van Advent. Die riglyne vir 'n liturgie en prediking vir vanjaar is beskikbaar op CABSA se webblad - klik hier om dit af te laai.
|
|
|
|
|
|
Die hoë koste van 'n nasie wat in dobbel verval
|
|
In hierdie tweede bydrae oor dobbel (verwys ook na Grens.Pos nr 36) val die kollig op die hoë sosio-ekonomiese koste van 'n nasie wat in dobbel verval
|
Dobbel in Suid-Afrika het die afgelope jare ontplof. Volgens die Nasionale Dobbelraad is R1,5 triljoen in die 2024/25-boekjaar gewed, terwyl dobbeloperateurs se inkomste tot ongeveer R75 miljard gestyg het – met ’n klein deel wat as belasting by die staat uitkom. Intussen groei die sosiale en geestelike skade vinniger as die wins.
|
Wat hierdie krisis aanwakker, is veral aanlyn dobbel. Enigiemand kan met ’n paar klikke enige tyd van die dag weddenskappe plaas. Dit tref veral kwesbare mense: lae-inkomste gesinne, werklose jongmense en selfs mense wat van maatskaplike toelaes leef. Geld wat vir kos, huur en skoolgelde bedoel is, verdwyn in aanlyn speletjies en sportweddenskappe.
|
Parallel met die wettige bedryf is daar ’n donker wêreld van onwettige dobbel. Die Valke en provinsiale dobbelrade voer gereeld klopjagte op ongelisensieerde internet-kafee’s en ander “speelkamers” uit. Toerusting en kontant word gekonfiskeer, maar nuwe plekke skiet kort daarna weer op. Hierdie ondernemings ignoreer die wet, ontduik belasting en bied geen beskerming aan verbruikers nie – geen reëls, geen toesig en geen hulp as jy verneuk word nie.
|
Nog groter is die probleem van onwettige aanlyn dobbel, iets wat in die stilte en die beskerming van die woonplek gebeur - dikwels sonder dat ander gesinslede daarvan weet. Totdat 'n katastrofe losbreek.
|
Die morele en menslike koste is enorm. Kerkleiers en gemeenskapsorganisasies vertel van huise waar die broodwinner se salaris in een naweek verdwyn, van huwelike wat breek en ’n toename in skuld, depressie en middelmisbruik. Pensioenarisse wat hul spaargeld aan “daardie een groot wen” toevertrou, verloor dikwels alles.
|
Dobbel is verslawend en vernietig die morele, juridiese en finansiële vesel van die samelewing soos 'n kanker wat van binne verteer.
|
Terselfdertyd probeer die Nasionale Dobbelraad en die Suid-Afrikaanse Stigting vir Verantwoordelike Dobbel mense help om verantwoordelik te dobbel of te stop. Daar is opvoedingsprogramme in skole, gemeenskappe en by dobbelinstansies, asook gratis berading vir dobbelverslaafdes en hul families.
|
Hierdie inisiatiewe is 'n druppel in die emmer. Wetstoepassers moet onwettig aanlyn dobbel met wortel en tak uitroei.
|
As gemeentes en geloofsgemeenskappe kan ons nie stilbly nie. Ons kan help om bewusmaking te doen, ondersteuning te bied, geldbestuur aan te leer en onwettige dobbel by owerhede aan te meld.
|
|
Vir hulp om op te hou dobbel, kan jy die Suid-Afrikaanse Stigting vir Verantwoordleike Dobbel se tolvrye hulplyn skakel by 0800 006 008, of “HELP” as WhatsApp of SMS na 076 675 0710 stuur.
|
|
|
|
|
|
"Ek is nie ’n geestelike dreigement nie" - Stephan Joubert
|
“Dis tyd dat ons opstaan vir die Here,” sê ’n onbekende vir my.
|
“Ek het dit reeds vanoggend gedoen toe ek opgestaan het,” antwoord ek.
“Nee, ek bedoel ons moet begin uitstaan vir Hom,” reageer hy. “Dit het ek ook reeds begin doen toe ek opgestaan het. Ek is nie ’n wandelende geestelike dreigement nie,” antwoord ek toe.
|
Dreigendes sien altyd net die kerk se doodsheid raak. Oopoë kyk hulle God se groot werke mis. Hulle plaas hulle hoop op môre, wanneer die res blykbaar sal opstaan en iets begin doen vir God. Maar daardie toekoms word net nooit ’n realiteit in hulle nabyheid nie. Of in hulle leeftyd nie. Daarom hang hulle gefrustreerd rond by een of ander rooi geestelike verkeerslig wat net nooit wil groen slaan nie. Tussen sulke lewende dreigemente dink ek altyd aan Creedence Clearwater Revival se treffer van weleer: “Someday never comes”.
|
Hoor hier, vandag is al tyd wat jy het om op te staan vir die Here. Môre is nog ’n nagreis ver, maar vandag is die Here hier by jou in Sy volheid. Vandag reeds gebeur groot dinge, wanneer jy jou gebede met lof en dank volmaak. Vandag reeds gebeur God se wil wanneer jy aan ander mense goed doen, en wanneer jy vreugdevol oor Hom getuig. Vandag is jou groot dag om vir Christus te skyn. Doen dit, dan leef jy vandag ‘n lewe van oorvloed in die Here. Dan is jy nooit vasgekeer in daardie geestelike verkeersknoop, waar dreigendes lewenslank wag op ’n groen verkeerslig nie. Dit het lankal groen geslaan by die kruis. Jou pad is oop. Vandag is hier, die Here se vandag!
|
|
|
|
|
|
Uit die Algemene Sinodale Moderamen
Waaroor praat kerkleiers as hulle bymekaar is?
Waaroor praat die Algemene Sinode se leierskap wanneer hulle bymekaar is? Hier is 'n paar dokumente (klik op die skakels) wat tydens die onlangse ASM-byeenkoms bespreek is. Dit help lidmate en predikante help verstaan wat alles bedink en deurgesels word:
|
|
|
|
|
|
EE-opleiding: Egte geloof vir Gen Z
|
|
|
|
|
|
Bybel-Media se produkte vir 2026, en jaarverslag
|
|
BYBEL-MEDIA SE 2026-KATALOGUS
Bybel-Media se katalogus met produkte vir 2026 is nou beskikbaar! Laai dit gratis af en blaai daardeur vir alles wat jy op jou geloofspad nodig het. Die katalogus vertel jou meer van ons geloofsvormende produkte wat jou lewe en die lewe van jou gemeente en geloofsgemeenskap kan verryk en verander. Klik hier vir die katalogus.
|
BYBEL-MEDIA SE JAARVERSLAG: SIEN DIE IMPAK
Ons deel met groot dankbaarheid ons nuutste jaarverslag met jou. Dié afgelope finansiële jaar kon ons talle splinternuwe projekte aanpak en nog meer mense en doelwitte as ooit tevore bereik. Sonder jou sou ons dit egter nie kon regkry nie. Van publikasies, bediening, tydskrifte en koerante wat lig in ’n donker wêreld instuur tot Bybelprodukte en hulpbronne wat ondersteuning bied aan predikante, gemeentes en lidmate – alles was moontlik danksy jou bydrae.Klik hier vir die jaarverslag.
|
|
|
|
|
|
Pragtige Kerskonsert in die Veremarksaal - 30 November
|
|
|
Die Veremark-orrelvereniging bied sy jaarlikse groot Kerskonsert aan in die Veremarksentrum op Sondag 30 November 2025 om 15:00 ten bate van liefdadigheid.
|
Vier orreliste, Ciska Range, Albert Troskie, Romano Jonathan en Justin Stone, speel feestelike kersmusiek, insluitende die Christmas Celebration van Jonathan Scott op die indrukwekkende Veremark-orrel.
|
Drie kore – die Cantando@Algoa, die Arbitrio-mannekoor en die kamerkoor, Creed, sal lieflike kersliedere sing. Cantando, o.l.v. Marilise van Rooyen se program sluit in die feestelike Hosanna! Geseënd is Hy wat kom van Gregor en Hosianna! Son of David van Vogler. Die Arbitrio-mannekoor o.l.v. Elbé Coetzee, sing drie werke, insluitende Leonard Cohen se geliefde Halleluja!
|
Die briljante sopraan, Naomi Grobbelaar, wat onlangs in Port Elizabeth gevestig het, maak haar debuut met die geliefde He shall feed his flock van Handel en O, for the Wings of a Dove van Mendelssohn.
|
Amore Musicae, ’n fluitensemble o.l.v. Erna Cloete, bestaan uit ses fluite, en speel ’n keurspel van kersmusiek, terwyl die bekende klavier- en orrelduo, Erika Bothma en Albert Troskie twee kersduette sal uitvoer.
|
Baie spesiaal sal wees die optrede van Muzukidz - ’n junior strykersensemble met 19 jong violiste. Hulle speel ’n keurspel van kersliedere sal ook die gehoor begelei in die sing van Stille Nag.
|
Toegang is R50. Vir pensioenarisse is dit slegs R40 en vir kinders R20.
Geen voorafbespreking. Kaartjies by die deur. Veilige parkering voor die Stadsaal. Die konsert sal ongeveer 75 minute duur.
|
|
Navrae: (Prof) Albert Troskie 082 726 9595
|
|
|
|
|
|
Vir alle Graad 7's, te Lekkeroord
Skoolverwisselingskamp, Oos-Londen (8-11 Desember)
|
|
Alle Graad 7's van gemeentes regoor die Oos-Kaap word genooi na 'n kamp wat die belangrike oorgang na die Hoërskool vier. Gemeentes wat graag ook ’n leier uit hul gemeente saam met hul kinders wil stuur, is baie welkom om dit te doen. Die kamp vind van 8-11 Desember plaas.
|
Lekkeroord is wonderlik geleë, digby een van die mooiste strande in ons provinsie.
|
Besonderhede oor die kamp is op die kamp se webblad beskikbaar - klik hier. Ds Larry van der Walt, organiseerder, sal gemeentes met bemarkingsmateriaal vir die geleentheid help. Die registrasievorms is ook op die webtuiste beskikbaar. Graad 7’s se ouers kan hulle ook help om aanlyn te registreer. Die koste vir die kamp is R950 en sluit alle etes en verblyf in. Daar sal T-hemde en keppies op bestelling beskikbaar wees.
|
|
Rig navrae aan ds Larry van der Walt - klik hier om e-pos te stuur..
|
|
|
|
|
|
Kerklike Feesdae en Vakansiedae
|
Die kerklike fees- en vakansiedae vir 2026 is nou op ons webblad beskikbaar. Klik hier om dit af te laai.
|
|
|
|
|
|
|
|
Vakature: Uitenhage-Winterhoek : Voltydse Predikantspos
Die NG Gemeente Uitenhage-Winterhoek, 'n voorstedelike gemeente in Kariega, Nelson Mandelabaai, nooi gelegitimeerdes van die NG Kerk om aansoek te doen vir ’n voltydse, onbepaalde termynpos. Ons leraar emeriteer in Februarie 2026 na ‘n geseënde bediening. Ons vertrou dat die Here iemand stuur om saam met ons ’n nuwe seisoen te betree.
|
|
Klik hier om die posbekendstelling te lees. Die sluitingsdatum is 23 Januarie 2026.
|
|
|
|
|
|
Vakature: Stutterheim Verenigde Gemeente : Voltydse Predikantspos
Stutterheim Verenigde Gemeente is saamgestel uit die plaaslike NG en Presbiteriaanse gemeentes. Die gemeente is op soek na 'n voltydse leraar wat sal tuis voel in ’n plattelandse omgewing waar persoonlike kontak hoog geag word, leierskap kan bied wat ons help om beide ons eenheid te versterk en om uit te reik na nuwe lidmate (veral jong werkendes en families), met deernis en sensitiwiteit ’n diverse gemeenskap kan bedien: jonk en oud, Afrikaans, Engels, afgetredenes, boere, besigheidsmense, staatsamptenare, nuwe intrekkers, en kan voortbou op die wonderlike eenheidsbande wat reeds hier gesmee is.
|
|
Die sluitingsdatum is 20 Januarie 2026.
|
|
|
|
|
|
Vakature: NG Kerk Albanie: Predikantspos
Die NG Gemeente Albanie soek ’n dinamiese, lewenslustige leraar om ons geloofsfamilie te lei en saam met ons te groei in diensbaarheid en geloof. Ons leraar moet ons gemeente se kernwaardes Woordverkondiging, koinonia en diensbaarheid versterk en uitbou.
|
|
Die sluitingsdatum is 30 November 2025
|
|
|
|
|
|
NG Kerk Buffelsrivier (Oos-Londen): Predikantspos
Buffelsrivier is ’n voorstedelike gemeente in Oos-Londen. Dit het ’n lidmaattal van 226 belydende lidmate en 31 dooplidmate. Die geloofsgemeenskap bestaan uit ’n diverse groep mense wat bejaarde afgetredenes en jong werkendes insluit.
|
|
Die sluitingsdatum is 1 Desember 2025.
|
|
|
|
|
|
Vakature Skriba-Kassier - NG Kerk Uitenhage Winterhoek
Die pos is geskik vir 'n volwasse, ervare persoon wat 'n goeie balans tussen taak- en mensgerigtheid kan handhaaf, grondige kennis het van boekhouding, salarisadministrasie, algemene kantooradministrasie en kerklike administrasie. Die skriba speel 'n integrale rol in die interne- en eksterne werking van die kerkkantoor, daarom is spanwerk, goeie menseverhoudings, empatie en diensvaardigheid baie belangrik.
|
|
Klik hier om die advertensie te lees. Die sluitingsdatum is 31 Desember 2025.
|
|
|
|
|
|
Vakature Bybelgenootskap: Hoof- uitvoerende beampte
Die BSSA (Bybelgenootskap van Suid-Afrika) nooi toegewyde en geskikte kandidate uit om aansoek te doen vir hierdie strategiese posisie, wat verantwoordelik sal wees vir die organisasie se hoof uitvoerende funksie. Die posbekleër sal verantwoordelik wees vir leierskap, strategiese leiding / rigting, bestuur, goeie korporatiewe beheer en die oorhoofse koördinering van alle bedryfsaktiwiteite. Die HUB sal op die direksie dien, asook op alle relevante streekskomitees.
|
|
|
|
|
|
Verjaarsdae in Desember
Baie geluk aan die volgende predikante en diensleraars wat in Desember verjaar:
|
8 Desember – ds Nico Bezuidenhout, NG Gemeente Oos-Londen
10 Desember – ds Elize Van der Westhuizen, NG Gemeente Sondagsriviermond
11 Desember – ds Willem Petzer, NG Gemeente Oos-Londen-Wesheuwels
13 Desember – ds Philip Voigt, NG Gemeente Port Elizabeth-Sionsrand
15 Desember – dr Elsje Büchner, NG Gemeente Dordrecht
30 Desember – ds Danie Mouton, Sinode Oos-Kaapland
|
|
Indien ons 'n verjaarsdag miskyk, laat ons asb weet. Ons stel dit graag reg.
|
|
|
|
|
|
Leraars beskikbaar vir preekbeurte
(Hierdie is 'n dinamiese lys wat voortdurend aangepas word)
|
Die volgende predikante en diensleraars (meestal deeltydse leraars en/of emeriti) is beskikbaar om aflospreekbeurte waar te neem:
|
|
Gqeberha (Port Elizabeth)
|
|
Coetzee, ds Jan - 072 320 2844
|
|
Crous, ds Armand - 082 659 2616, armandcrous@gmail.com
|
|
Loots, ds Deon - 084 855 3444, dissipel@gmail.com
|
|
Lötter, ds André - 084 371 3882, dslotter1@gmail.com
|
|
Oliphant, dr Anton - 084 516 7109
|
|
Swart, ds Sas - 082 552 3175, sas.swart1948@gmail.com
|
|
Van der Merwe, dr Carel - 082 821 7600, clvdm1@gmail.com
|
|
Van Rooyen, ds Johan - 082 564 6764
|
|
Van Velden, ds Enslin - 083 955 7327, enslin.vanvelden@gmail.com
|
|
Vosloo, ds Johan - 083 320 8427, jvosloo51@gmail.com
|
|
Weyers, prop Chris - 081 270 4240, cjweyers1203@gmail.com
|
Wiid, dr Willem - 071 866 0771, wiidwillem@gmail.com
|
|
Kampman, ds Jan - 082 657 2375
|
|
Swart, ds Sas - 082 552 3175, sas.swart1948@gmail.com
|
|
Van der Merwe, ds Jos - 082 923 3167
|
|
Van Niekerk, ds Komatie - 082 455 0359
|
|
Van Velden, ds Enslin - 083 955 7327, enslin.vanvelden@gmail.com
|
|
Van Wyk, ds Johan - 082 536 2068
|
Vosloo, ds Johan - 083 320 8427, jvosloo51@gmail.com
|
|
Stümke, ds Christo - 073 462 1660
|
|
Swart, ds Sas - 082 552 3175, sas.swart1948@gmail.com
|
|
Van Velden, ds Enslin - 083 955 7327, enslin.vanvelden@gmail.com
|
Vosloo, ds Johan - 083 320 8427, jvosloo51@gmail.com
|
|
Barnard, ds Hein - 083 456 0853, heinbarnard@lantic.net (ook beskikbaar vir Ring van Albanie en Oos-Londen)
|
Van Velden, ds Enslin - 083 955 7327, enslin.vanvelden@gmail.com
|
|
Aflos (oral) vir korter of langer periodes
|
|
Ds Deon Beyers - 082 222 6521, privaat@riversdalwes.co.za
|
|
Ds Enslin van Velden - 083 955 7327, enslin.vanvelden@gmail.com
|
Ds Pieter van Zyl - 073 225 8466, vanpzyl@gmail.com
|
|
Predikante wat graag op bogenoemde lys geplaas wil word, kan 'n e-pos met hul besonderhede stuur aan danie@ngkok.co.za
|
|
Beskikbaar om die Enneagram en retraites aan te bied
|
|
Ds Deon Loots maak die Baai nou weer sy tuiste en is beskikbaar om die Enneagram of retraites in gemeentes of ringe aan te bied (084 855 3444, dissipel@gmail.com).
|
|
|
|
|
|
Leraars beweeg
Ds Christo van Staden het die beroep na die NGK Middelburg-Karoo aanvaar. Hy aanvaar diens op 1 Januarie 2026 en word op 18 Januarie in die amp bevestig.
|
Ds Riaan Vlok is as predikant na die NG Gemeente Tarkastad beroep.
|
|
Kerkkantore word herinner om die Direkteur Sinode in kennis te stel oor die beweging van leraars. Hier is meer inligting hoe amptelike kennisgewings werk wanneer leraars beweeg.
|
|
|
|
|
|
|
