|
|
|
|
|
|
|
Jaargang 23 - Nommer 1 - 17 Januarie 2025
|
|
|
|
|
|
|
|
|
|
|
|
In hierdie uitgawe:
- Drie gewoontes wat lewens verander
- Nuwe publikasie oor "bakengemeentes"
- Week van Gebed 2025
- Vakatures
- Leraars beskikbaar vir aflospreekbeurte
- Leraars beweeg
|
|
|
|
|
|
Drie gewoontes wat jou lewe sal verander
|
Een van die waardevolste insigte oor die lewe en sukses draai rondom die onderskatte krag van gewoontes. Daar word dikwels gesê dat mense nie regtig besef hoe belangrik gewoontes is totdat hulle ouer word nie.
|
Soos ons ouer word, besef ons hoe moeilik dit kan wees om gewoontes te verander, veral dié wat oor dekades heen ingewortel geraak het. Dit is waarom dit so belangrik is om vroeg reeds die regte gewoontes te vorm.
|
Die uitdaging met die vorming van goeie gewoontes is om die regtes te kies! Nie alle gewoontes is dieselfde nie; sommige help ons om te groei en te presteer, terwyl ander ons terughou en onbevredig laat voel.
|
Wat is dus die sleutel? Dit is om gewoontes te identifiseer wat by ons waardes en langtermyndoelwitte pas en hulle doelbewus te koester. Hier is drie om te oorweeg:
|
Leef met integriteit
Om met integriteit te leef en te werk bring beduidende voordele, beide persoonlik en professioneel. Wanneer jy met integriteit optree, vertrou mense jou. Hulle weet jy is betroubaar en eties en sal nie kortpaaie vat nie. Hierdie vertroue help om sterker verhoudings met kollegas, kliënte en klante te bou. Verder verbeter die handhawing van integriteit jou reputasie, wat nuwe geleenthede skep en jou loopbaan bevorder. Belegger Warren Buffett het eenkeer gesê: "Wanneer jy mense soek om aan te stel, soek jy drie eienskappe: integriteit, intelligensie en energie. En as hulle nie die eerste een het nie, sal die ander twee jou vernietig."
|
Word elke dag slimmer
Om 'n groeimentaliteit te omhels en 'n verbintenis tot lewenslange leer te maak, is werklik belangrike gewoontes vir sukses. Dink daaraan om elke aand 'n bietjie slimmer te gaan slaap, want wanneer jy dit doen, lei dit tot groter prestasies. Gereelde lees en leer kan byvoorbeeld 'n groot verskil in jou persoonlike en professionele lewe maak. Die gesegde "hoe meer jy leer, hoe meer sal jy verdien" wys regtig hoe waardevol opvoeding en selfverbetering is.
|
Vereenvoudig jou lewe
Om dinge eenvoudig te hou kan lei tot langtermynsukses en finansiële sekuriteit. In plaas daarvan om geld te verkwis en onnodige skuld aan te gaan, is dit deesdae 'n goeie idee om op spaar en belegging te fokus. Baie suksesvolle mense gebruik hul hulpbronne om ander te help, eerder as om net persoonlike rykdom na te jaag. Dit wys dat 'n beskeie leefstyl werklik 'n positiewe impak op die samelewing kan hê.
|
Deur die krag van eenvoudige gewoontes te omhels en doelbewus die regte gewoontes te kweek, kan ons onsself op 'n pad na sukses, vervulling en 'n welgeleefde lewe plaas.
|
Deur Marcel Schawantes, afrigter, spreker en skrywer.
|
|
|
|
|
|
Temas vir Week van Gebed 2025 nou beskikbaar
|
|
Die reeks vir die Week van Gebed 2025 fokus op Jesus se gebede. Dit is geskryf deur dr Clifford Heys. hy behandel diep en betekenisvolle temas en sluit die week af met die Ons Vader-gebed.
|
Ons is opgewonde oor hierdie reeks en vertrou dat dit, soos elke jaar, geestelike vrugte sal dra en van waarde sal wees vir gemeentes se jaarlikse Week van Gebed, waar hulle die jaar begin met bidure, eredienste, byeenkomste, en Bybelstudies. Elke preek sluit af met nadenke-vrae wat gebruik kan word deur selgroepe, gesinne, Kerkrade of individue.
|
|
|
|
Nuwe publikasie oor gemeentes
Bakengemeentes: Nagedink oor Roeping en Getrouheid.
|
Bakengemeentes: Nagedink oor Roeping en Getrouheid is gebaseer op oorspronklike navorsing binne die NG Kerk en bied insig in hoe gemeentes aanpas by veranderende omstandighede. Die werk sluit kwalitatiewe en kwantitatiewe empiriese data in, versamel deur die NG Kerk se Algemene Taakspan Navorsing, en staan in gesprek met die 2030-droomscenario wat na afloop van die Algemene Sinode van 2019 geformuleer is.
|
Met verhale van 26 gemeentes, sowel as insigte uit die Kerkspieël- en Predikantepaneel-vraelyste, bied hierdie boek ’n ryk bron vir nadenke oor temas soos roeping, missionale leierskap, armoede en welwese, pastorale uitdagings en sosiale innovasie.
|
Hoewel gefokus op die NG Kerk, sal die inhoud van waarde wees vir studente en belangstellendes uit verskillende denominasies en akademiese dissiplines. Hierdie publikasie het ’n streng anonieme eweknie-beoordeling ondergaan en bied ’n unieke blik op die uitdagings en geleenthede van kerkwees in die hedendaagse samelewing.
Hierdie boek is ontwikkel in samewerking met Clairvaux Skrywershuis en die Algemene Taakspan Navorsing van die NG Kerk.
|
Beskikbaar by alle CLF Boekwinkels (Durbanville, Bloemfontein, Kimberley & Newton Park - https://shop.clf.co.za/contact-us/)
Koop dit aanlyn - https://shop.clf.co.za/product/bakengemeentes/ of stuur ’n epos na order@clf.co.za
|
|
|
|
Eerstejaarstudente in die Baai
Somerstrand-gemeente bied vir jou 'n tuiskoms
|
|
|
|
|
|
Kougom: Dié kamp vir eerstejaars aan Universiteit Vrystaat
|
|
|
Alle eerstejaars aan die Vrystaatse Universiteit word genooi om die Kougom-Kamp vanaf 30 Januarie by te woon. Hier is meer inligting.
|
|
|
|
|
|
Vakature NGK Pearston: Diensleraar (deeltyds, termyn-bepaald)
Die Gemeente is op soek na ‘n geestelike voorganger wat met woord en daad die voorbeeld sal stel. Die persoon moet in staat wees om die gemeente saam op reis te neem in die werksaamhede van die kerk. Die persoon moet ‘n sterk pastorale aanslag hê wat huis-/sieke besoeke, Woordverkondiging, en barmhartige uitreik na die gemeenskap sal bevorder.
|
Pearston is ’n klein plattelandse Karoo gemeente wat vir mekaar omgee en sorg. Die Gemeente het ‘n behoefte om uit te reik na mekaar en die gemeenskap. Die dorp is geleë 46km vanaf Somerset-Oos; 77km vanaf Graaff-Reinet; 66km (Grondpad) of 110km (teerpad) vanaf Jansenville.
|
|
Klik hier vir die volle posbeskrywing. Die sluitingsdatum is 31 Januarie 2025.
|
|
|
|
|
|
Vakature: Permanente deeltydse leraar/diensleraar, NGK Newtonpark
|
Die NG Kerk Newtonpark is in 'n dinamiese voorstad geleë, omring van laer- en hoërskole, hospitale en winkelsentrums. Die gemeente bestaan uit sowat 296 belydende en 36 dooplidmate.
|
Dit het ‘n diepgewortelde liefde vir mense en laat hul vinnig tuis voel. Dié gemeente glo dat geloof in dade omskep moet word. Beide die orrel en die sanggroep speel ‘n belangrike rol in die erediens.
|
|
|
|
|
|
Vakature: Predikant, NGK Nylstroom-Oos
Nylstroom-Oos nooi dinamiese, energieke en gedrewe gelegitimeerde leraars van die NG Kerk, om aansoek te doen as medeleraar. Die bereidheid en vermoë om in ʼn leraar-span te werk, is ʼn ononderhandelbare vereiste. Verder sal die geestelike bediening aan kinders ʼn belangrike deel uitmaak van die applikant se bediening (die Abraham Kriel Kinderhuis val binne die gemeentegrens).
|
|
Klik hier vir die volle posbeskrywing. Die sluitingsdatum is 7 Februarie 2025.
|
|
|
|
|
|
Leraars beskikbaar vir preekbeurte
(Hierdie is 'n dinamiese lys wat voortdurend aangepas word)
|
Die volgende predikante en diensleraars (meestal deeltydse leraars en/of emeriti) is beskikbaar om aflospreekbeurte waar te neem:
|
Schutte, ds Hansie - 082 659 2480
|
Gqeberha (Port Elizabeth)
|
|
Coetzee, ds Jan - 072 320 2844
|
|
Crous, ds Armand - 082 659 2616, armandcrous@gmail.com
|
|
Lötter, ds André - 084 371 3882, dslotter1@gmail.com
|
|
Oliphant, dr Anton - 084 516 7109
|
|
Van der Merwe, dr Carel - 082 821 7600, clvdm1@gmail.com
|
|
Van Rooyen, ds Johan - 082 564 6764
|
Wiid, dr Willem - 071 866 0771, wiidwillem@gmail.com
|
|
Kampman, ds Jan - 082 657 2375
|
|
Van der Merwe, ds Jos - 082 923 3167
|
|
Van Niekerk, ds Komatie - 082 455 0359
|
|
Van Velden, ds Enslin - 083 955 7327, enslin.vanvelden@gmail.com
|
|
Van Wyk, ds Johan - 082 536 2068
|
Vosloo, ds Johan - 083 320 8427, jvosloo51@gmail.com
|
Stümke, ds Christo - 073 462 1660
|
|
Barnard, ds Hein - 083 456 0853, heinbarnard@lantic.net (ook beskikbaar vir Oos-Londen)
|
Muller, ds Christoph - 082 308 5795
|
|
Predikante wat graag op bogenoemde lys geplaas wil word, kan 'n e-pos met hul besonderhede stuur aan danie@ngkok.co.za
|
|
|
|
|
|
Leraars beweeg
Dr Elsje Büchner is op 12 Januarie 2025 deur ds Conrad Thomas as predikant in die NG Gemeente Dordrecht bevestig.
|
Ds Mardi Badenhorst word op 19 Januarie 2025 in Humansdorp-Oos bevestig.
|
|
Kerkkantore word herinner om die Direkteur Sinode in kennis te stel oor die beweging van leraars.
|
|
|
|
|
|
|
