|
|
|
|
|
|
|
Jaargang 23 - Nommer 23 - 1 Augustus 2025
|
|
|
|
|
|
|
|
|
|
|
|
In hierdie uitgawe:
- Gemeentes op Ugie
- Wat maak iemand "cool"?
- Kerke moet aktief teen korrupsie getuig
- Vakatures en verjaarsdae
- Leraars beweeg
|
|
|
|
|
WinterWarm-projek bring hoop vir kinders en gesinne in Ugie
|
|
Lidmate van die dikwels sneeubedekte Ugie bring warmte en hoop wat die winterkoue verdryf
|
Oudl Hein Cloete van Ugie-gemeente vertel:
|
Die WinterWarm-projek is vanjaar met groot sukses van stapel gestuur deur die NG Kerk Ugie in samewerking met die Gemeenskapskerk. Twee lede van elke gemeente het die projek gelei, en saam het hulle besluit om kerklik uit te reik na drie gemeentes in die Ugie-omgewing – spesifiek dié wat Sondagskool aanbied.
|
Die volgende kerke is betrek:
|
* St Simons Anglican Church
* Methodist Church of South Africa
* VGK Ugie
|
In totaal is 94 kinders geïdentifiseer wat hierdie Sondagskole bywoon, asook 17 behoeftige gesinne wat by die betrokke gemeentes ingeskakel is.
|
|
Die doel van die projek was om elke Sondagskoolkind ’n Bybelboek in isiXhosa en ’n bottel met sopbestanddele – waaraan net water bygevoeg hoef te word – te gee. Daarby het elke kind se gesin ook ’n sak aartappels en ’n houer eiers ontvang.
|
Die 17 behoeftige gesinne is verder ondersteun met elk twee warm komberse en ’n voedselpakkie. Hierdie kospakkie het bestaan uit:’n Sak aartappels, 10 kg mieliemeel, Eiers, 4 kg rys, 3 x 400 g soppoeier, 1 x 400 g soja maalvleis, Pakkie sout, blikkiekos, ’n Bottel sopbestanddele, Pakkies sop, kg pasta
|
Wat hierdie projek besonders gemaak het, is die ruim ondersteuning van mense uit verskeie gemeenskappe in die Ugie-omgewing. Fondse is spontaan ingesamel en mense het hulself beskikbaar gestel omdat hulle geglo het in die waarde van hierdie inisiatief.
|
’n Ware geloofsgetuienis het plaasgevind toe 111 bottels sop benodig is, maar slegs 55 bottels in voorraad was. Ná gebed en die versoek vir hulp het bottels van oral begin inkom – en ná alles gevul is en getel is, was daar presies 111 gevulde bottels. ’n Ware wonderwerk!
|
Die NG Kerk Ugie het die koste vir die Bybelboekies gedra. Daar is onder andere 9 Xhosa-Bybels en 5 Engelse Bybels aan die ouer kinders uitgedeel.
|
|
Die *WinterWarm*-projek is as ’n groot sukses beskou – veral omdat dit die eerste keer is dat hierdie kerke spesifiek met die fokus op Sondagskoolkinders betrek is. Hierdie samewerking het nie net lig en warmte gebring nie, maar ook ’n boodskap van hoop en geloof in dade omgesit.
|
|
|
|
|
|
Meer as 20 kinders sterf die afgelope jaar weens honger in NMB
|
|
Die Walmer-Angels sopkombuis in Nelson Mandelabaai verdien die gemeenskap se steun
|
Vyf-en-twintig kinders onder die ouderdom van vyf het die afgelope 12 maande in die Nelson Mandelabaai-metro (NMB) gesterf aan ernstige akute wanvoeding, en honderde ander moes behandel word vir minder ernstige toestande wat deur hongersnood veroorsaak is.
|
Volgens statistiek wat deur die Oos-Kaapse Departement van Gesondheid bekend gemaak is, is daar die afgelope jaar 237 kinders onder vyf gediagnoseer met ernstige akute wanvoeding, en 501 met matig ernstige wanvoeding. Meer as 100 van dié gevalle is net in Maart aangemeld.
|
Wat veral kommer wek, is dat dié syfers byna verdubbel het sedert 2023, toe 14 kinders onder vyf aan hongersnood dood is in Nelson Mandelabaai, en nog 216 nuwe gevalle van ernstige wanvoeding oor 18 maande tussen 2022 en 2023 bevestig is.
Lees hoe Estelle Ellis van Daily Maverick oor hierdie krisis berig.
|
|
|
|
|
|
Konferensie oor korrupsie
Die kerk moet help waardes kweek, en oud-regter Zondo se vyf voorstelle
Tydens 'n konferensie oor korrupsie wat die SA Raad van Kerke in Julie gehou het, is die kerk opgeroep om in die gesprek oor korrupsie eers die balk in ons eie oog raak te sien. Ons kan nie ’n profetiese stem oor korrupsie hê as ons nie eers erken dat korrupsie ook in kerke en denominasies voorkom nie. Die sondige natuur van die mens is geneig tot selfsugtigheid en gierigheid.
|
Baie van die mense wat hulle skuldig maak aan korrupsie sit iewers op ’n Sondag op ’n kerk se banke. Ons as kerke moet ons opnuut toewy aan ’n kultuur en praktyke van deursigtigheid en etiese bestuur van gemeentes en denominasies. Die kerk het ’n roeping om te sorg vir die minstes in die samelewing en te werk vir geregtigheid in ons land. As kerke verstaan ons dat die stryd teen korrupsie in die eerste plek ’n stryd tussen die koninkryk van die lig en die koninkryk van die duisternis is.
|
|
Lees hoe Christo Benadé die konferensie in Kerkbode opsom. Veral insiggend is oud-hoofregter Zondo se vyf voorstelle rondom die bekamping van korrupsie.
|
|
|
|
|
|
Media-verklaring deur SA Raad van Kerke
Kerk geroep tot profetiese stem teen korrupsie in Suid-Afrika
Na afloop van 'n konferensie oor korrupsie, het die SARK op 25 Julie 2025 die volgende verklaring uitgereik:
|
Die Kerk is geroep om nie net ’n morele getuienis te lewer nie, maar om ook as profetiese stem op te tree – ’n stem wat nie huiwer om ongemaklike waarhede te spreek ter wille van institusionele en gemeenskaplike integriteit nie. Hierdie profetiese taak is nie opsioneel nie; dit is wesenlik deel van die Kerk se identiteit. Die bediening van Jesus was nog altyd teenoor onreg en uitbuiting gestel. Vandag rus hierdie roeping op die Kerk in Suid-Afrika.
|
In ’n dapper en eensgesinde reaksie op die pes van korrupsie het nasionale en streeksleiers van die Suid-Afrikaanse Raad van Kerke (SARK) byeengekom vir die *Kerkleiers Teen-Korrupsie Konferensie*. Hierdie byeenkoms was ’n kollektiewe oproep tot morele moed en nasionale verantwoordelikheid, gegrond op die oortuiging dat stilbly in die aangesig van korrupsie neerkom op medepligtigheid. Die voortdurende afkalwing van demokratiese waardes, sosiale samehorigheid en openbare vertroue vereis dringende en doelgerigte teenaksie.
|
Die konferensie het die Kerk se oortuiging bevestig dat korrupsie nie net ’n regs- of politieke oortreding is nie, maar ’n geestelike krisis. Korrupsie verwring die siel van die nasie, verswak openbare instellings, ondermyn dienslewering, en verstewig armoede. Dit is sigbaar in disfunksionele munisipaliteite, watertekorte in gemeenskappe soos Makhanda, en staatskaping wat toesighouding verlam en straffelloosheid versterk het. Vir die Kerk, wat saam met geaffekteerde gemeenskappe leef, is die roepstem tot aksie heilig.
|
Die byeenkoms het gesoute stemme byeengebring uit die openbare diens, teologie, burgerlike samelewing en fluitjieblasersnetwerke, wat gesamentlik die koue werklikheid van korrupsie se impak ontbloot het. Sprekers het beklemtoon dat die privaat sektor dikwels beide ’n fasiliteerder én ’n begunstigde van korrupte stelsels is. Kerkleiers het moreel verontwaardig gereageer, en hulself verbind tot ’n hernude openbare getuienis deur etiese leierskap in woorde en dade te leef.
|
’n Kernboodskap van die konferensie was dat die Kerk nie haar verantwoordelikheid in die stryd teen korrupsie mag versaak nie. Hierdie stryd vra meer as veroordeling; dit verg erkenning, berou en transformasie. Genesing begin nie net deur institusionele hervorming nie, maar deur persoonlike vernuwing van die gewete. Soos die Skrif ons herinner, moet die vernuwing van die verstand gepaard gaan met die vernuwing van die hart. Hierdie proses moet die morele verval van genormaliseerde oneerlikheid, diefstal en ’n gebrek aan integriteit aanpak. Slegs ’n diep gewortelde innerlike morele standaard, gevorm deur waarheid en ontsag vir God, kan die gewete versterk en ’n samelewing bou wat korrupsie verwerp.
|
Die konferensie het ook hulde gebring aan die moed van dié wat reeds betrokke is by die stryd teen korrupsie, veral fluitjieblasers wat die waarheid verdedig ten koste van hul eie veiligheid. Hul beskerming en erkenning is nie onderhandelbaar nie. Die Kerk het ook gevra dat ondersoeke na korrupsie wat al jare sloer, dringend afgehandel word. Rekenskap mag nie eindeloos uitgestel word nie.
|
As bewys van hul verbintenis is kerkleiers besig om die SARK Kerkleiersverbond teen Korrupsie te finaliseer – ’n plegtige verklaring voor God en die volk. Hierdie verbond sal publieke verbintenisse insluit om:
|
- Konsekwent teen korrupsie te preek en te onderrig, ook in kinder- en jeugbediening;
- Fluitjieblasers in kerklike ruimtes te beskerm en te eer;
- Etiese leierskap in beide die openbare en privaat sektor te beliggaam en aan te moedig;
- Instellings wat korrupsie bestry, veral die Hoofstuk 9-instellings, te versterk;
* Deursigtigheid en nakoming in die Kerk se eie bestuur te bevorder;
- ’n Sentrale rol te speel in die vorming van ’n nasionale beweging teen korrupsie wat geen ruimte laat vir korrupsie in politiek, besigheid, die Kerk of gemeenskappe nie.
Die SARK erken dat hierdie pad lank en moeilik sal wees. Tog put ons krag uit die moed van diegene wat reeds die eerste treë geneem het, en ons toerus onsself met integriteit en geloof vir die pad vorentoe.
|
|
Ons put moed en hou vas aan die hoop vir die toekoms – vertrouend op die Here, die God van geregtigheid, wat ons verseker het van sy teenwoordigheid tot aan die einde.
|
|
|
|
|
|
Internasionale studie gee antwoorde
Wat maak iemand “cool”?
|
|
Navorsers het byna 6 000 mense uit 12 lande, insluitend Suid-Afrika en Nigerië, gevra om iemand wat hulle as “cool” of “nie cool” beskou, te beskryf. Die doel was om te bepaal watter persoonlikheidseienskappe wêreldwyd met “coolheid” geassosieer word – en of kulture verskil oor wat as cool gesien word.
|
Die verrassende bevinding: oral in die wêreld – van Duitsland tot China, van die VSA tot Suid-Afrika – beskryf mense “cool” persone met dieselfde ses eienskappe: hulle is uitgaande, plesiersoekend, avontuurlustig, oop vir nuwe dinge, invloedryk en onafhanklik. Dit beteken dat coolheid nie net oor styl of gewildheid gaan nie, maar oor ’n bepaalde psigologiese profiel.
|
In Suid-Afrika is hierdie eienskappe baie duidelik van “goedheid” onderskei, terwyl Nigerië die enigste land was waar individualiteit nie as cool beskou is nie – moontlik weens ’n sterker klem op gemeenskap en tradisie.
|
Hierdie navorsing wys dat jongmense wêreldwyd dieselfde eienskappe bewonder – ’n insig wat belangrik is vir opvoeding, leierskap, bemarking en kultuurnavorsing.
|
|
|
|
|
|
Bybelgenootskap stel hersiene 1933/53-vertaling bekend
Die Bybelgenootskap van Suid-Afrika het in Desember 2024 'n hersiening van die Afrikaanse 1933/1953-Bybelvertaling voltooi. Die projek fokus uitsluitlik op taalkundige verbeteringe en aanpassings van die spelling volgens moderne spelreëls, terwyl die oorspronklike vertaalopdrag en teologiese integriteit volledig behoue bly. Die hersiene weergawe sal aanvanklik op die BibleSA-webwerf en -app beskikbaar gestel word.
Die Bybelgenootskap versoek dat kerke en gemeentes die hersiening bestudeer, aan lidmate voorhou, en terugvoer verskaf om toekomstige verbeteringe moontlik te maak.
|
|
|
|
|
|
Nuwe gratis pamfletreeks oor geestesgesondheid by CLF beskikbaar
Kerke is dikwels die eerste plek waarheen mense draai wanneer die lewe te veel raak. Tog is baie geloofsgemeenskappe nie goed ingelig oor geestesgesondheid nie. Hierdie reeks pamflette van die Christelike Lektuurfonds (CLF) help gelowiges en gemeentes om taal, begrip en praktiese riglyne te kry oor temas wat dikwels voorkom.
|
- AFR320: Geloof en Geestesgesondheid – Inleidende pamflet: Waarom kerke betrokke moet wees by geestesgesondheidskwessies en hoe hulle prakties kan help.
- AFR321: Ek is oorweldig! – Hulp en taal vir mense wat oorweldig voel. Bied raad vir individue en gemeentes.
- AFR322: Gesonde grense – Verduidelik hoekom grense belangrik is vir jou geestesgesondheid en hoe om dit te stel.
- AFR323: Toksiese verhoudings – Help mense om skadelike verhoudings te identifiseer en hoe om dit te bestuur.
- AFR324: Pasop vir sitkamersielkundiges – Waarsku teen gevaarlike raad op sosiale media van mense sonder opleiding. Leer hoe om betroubare hulp te soek.
- AFR325: Terapie: ’n Dapper tree na genesing – Moedig mense aan om terapie te oorweeg, verduidelik wat dit behels en hoe dit werk.
- AFR326: Balans bo uitbranding – Help mense om uitbranding te herken en gee raad oor hoe om dit te voorkom en te hanteer.
- AFR327: Destigmatiseer depressie – Help lesers om depressie te verstaan, te identifiseer en aan te spreek sonder skaamte of oordeel.
- AFR328: Verstaan seksuele aanranding – Verduidelik wat seksuele aanranding is, die regte van slagoffers, en praktiese riglyne vir ondersteuning en genesing.
- AFR329: Stop seksuele teistering – Help lesers om seksuele teistering te verstaan, waarom dit skadelik is, en hoe om dit aan te spreek – selfs as daar geen fisiese kontak is nie.
- AFR330: Tieners, seks en skaamte – Hierdie eerlike pamflet bespreek wat die Bybel oor seks sê, wat die gevare is, en watter opsies daar is wanneer iemand swanger is. Dit help jongmense om verantwoordelik, ingelig en sonder skaamte oor hul seksualiteit te dink.
Pamfletbestellings vir harde kopieë kan vanaf CLF se Aanlynwinkel: geplaas word.
E-Pamflette is beskikbaar by CLF se Hulpbronsentrum
Vir verdere inligting, stuur gerus ’n epos aan order@clf.co.za of skakel die CLF by 021 873 6964.
|
|
|
|
|
|
PE-Lorraine hou kermis - 2 Augustus
|
|
|
|
|
|
VrouFees saam met Gamtoosvallei se gemeentes - 14 Augustus
|
|
Kom deel in 'n betowerende aand vol inspirasie en kreatiwiteit! Ons nooi jou hartlik uit na die VrouFees, ‘n unieke geleentheid waar ons die skoonheid van vrouwees vier met kuns, kos en kleur.
|
📍 Plek: Hilde Alet Malan Art Studio, Patensie
📅 Datum: 14 Augustus
🕠 Tyd: 17h30 - 18h00
🎙️ Gasspreker: Carmen du Plessis
🎨 Skilderbegeleiding: Hilde
🍽️ Gegeurde Ete: Deur Jeanie
💐 Blommeverkope: Lizma
|
Kaartjies is slegs *R250 per persoon* – verseker jou plek vandag!
📲 Bespreek aanlyn of per WhatsApp by Hanna 071 262 516
|
|
|
|
|
|
Vertoef in die Psalms
Konferensie en gratis hulpbronne vir die liturgie
|
|
CICW (Calvin Institute for Christian Worship) hou hulle jaarlikse konferensie in 2026 oor "Dwelling in the Psalms". Op die webblad waar dié konferensie bekendgestel word, word ook 'n hele aantal gratis liturgiese hulpbronne vir gebruik in gemeentes bekendgestel.
|
|
|
|
|
|
|
|
|
In vandag se wêreld speel aanlyn ruimtes en tegnologie ’n al hoe groter rol in hoe ons as kerk teenwoordig is, stories vertel en mense bereik. Hierdie webinaar help jou hoe om dit eenvoudig, sinvol en met selfvertroue te doen.
|
|
Wat bied die werkswinkel?
|
Deel 1: Sosiale media as uitbreiding van jou bediening
Leer hoe sosiale media ’n tweede preekstoel kan word waardeur die gemeente mense kan bereik.
|
Deel 2: Kunsmatige Intelligensie (AI) as hulpmiddel in die kerkkantoor
Ontdek hoe AI jou daaglikse take makliker en vinniger kan maak, sonder om die hart van bediening te verloor.
|
|
|
|
|
|
Aanlyn VBO bied pastorale perspektiewe
Wanneer godsdiens lei tot verwonding eerder as heling
|
Dinsdag 16 September 2025 – Zoom aanbieding - Prof Wentzel Coetzer
|
In hierdie kursus word daar gefokus op die oënskynlike paradoks van godsdiens wat enersyds binne sekere kontekste ‘n helende en bevrydende rol kan vervul, veral wanneer dit op gebalanseerde en gesonde wyse beoefen word en waar die motief daaragter suiwer en opreg is; en andersyds die gevaarkant van godsdiens - met ‘gevaar’ word in hierdie konteks dan bedoel dat daar dieperliggende onverwerkte emosionele pyn aanwesig mag wees wat uiteindelik as dryfveer kan dien tot ontvlugting in toksiese godsdienstige aktiwiteite. Die werklike pyn word nooit hanteer nie en deur middel van die stiptelike onderhouding van ’n magdom geestelike wette en reëls word daar eintlik net meer ‘pleisters’ en ‘verbande’ op ’n septiese wond geplaas. Die finale resultaat van so ’n proses kan dan godsdienstige verslawing en misbruik impliseer waar mense uiterlik gelukkig voorkom, maar innerlik met ’n magdom van onverwerkte emosionele pyn worstel. In die lewensverhale van geestelike leiers wat ’n bydraende rol vervul tot die geestelike verwonding en misbruik (abuse) van lidmate en volgelinge, is daar gewoonlik ook onverwerkte emosionele pyn en trauma wat dikwels reeds gedurende hul kinderjare ’n aanvang geneem het.
Daar word ten slotte ’n aantal praktiese riglyne uitgespel vir die pastorale begeleiding van geestelik verwonde persone met die oog op heling en restourasie.
Kursus oop vir almal: Geen toelatingsvereistes nie.
|
|
Datum: Dinsdag 16 September 2025 – sluit in sleutelnotas en tersaaklike dokumente.
|
|
Tyd: 09.00 – 13.00Akkreditering: 5x VBO punte – CPSC punte – ook AFM PCD akkreditasie
|
Handboek te koop (opsioneel): R370 (R250 vir die handleiding plus R120 koerierkoste)
|
|
|
|
|
|
NG Kerk Queenstown: Aflospredikant vir 1 - 25 Desember 2025
NG Gemeente Queenstown in die Oos-Kaap is opsoek na 'n leraar wat beskikbaar is om 1-25 Desember 2025 in Queenstown in te staan. Queenstown en omgewing het pragtige natuurskoon vir natuurliefhebbers om te geniet in hul tyd hier.
|
Verwagtinge is prediking op Sondae, begrafnisse en noodgevalle soos nodig. Die leraar kan na die kersdag diens huis toe gaan.
|
Verblyf in gastehuis met ontbyt op weeksdae, word verskaf. Asook R10,000 vergoeding vir die tydperk en R2000 reiskoste.
|
Predikante/proponente/ teologiese studente/ diensleraars is welkom om aansoek te doen.
|
Aansoeke moet asb die kerkkantoor bereik teen 26 Augustus.
Epos: kantoorngk@gmail.com
|
|
Kontak Morne 0833736679 vir navrae
|
|
|
|
|
|
Vakatures by NG Kerk Gamtoosvallei, Patensie:
Gemeenskapswerker en Koster
Die NG Gemeente Gamtoosvallei (Kwagga) is geleë in die prentjiemooi Gamtoosvallei naby Patensie. Hierdie sitrusproduserende streek bied ’n rustige plaaslewe, ’n gemeenskap wat omgee, en ’n geloofsgemeenskap met aansteeklike entoesiasme. Die gemeente bedien die landbougemeenskap wes van Patensie, 87 km van Gqeberha en 53 km van Jeffreysbaai.
|
Die gemeentes het tans twee poste beskikbaar:
|
|
|
|
|
|
Verjaarsdae in Augustus
Baie geluk aan die volgende predikante en diensleraars wat in Augustus verjaar:
|
5 Augustus – ds Corné Slabbert, NG Gemeente Cradock
6 Augustus – ds Wouter O’Kennedy, NG Gemeente Despatch-Noord
9 Augustus – ds Jaco Botha, NG Gemeente Misgund
9 Augustus – ds Hendri Roberts, NG Gemeente Joubertina
12 Augustus – ds Gerhard Loubser, NG Gemeente Port Elizabeth-Lorraine
15 Augustus – ds Christoph Müller, NG Gemeente Albanie
17 Augustus – ds Barbara-Mari Jacobs, NG Gemeente Port Elizabeth-Sherwood
18 Augustus – ds Wikus Venter, NG Gemeente Dias
20 Augustus – ds Anton Ferreira, NG Gemeente Gamtoosvallei-Oos
27 Augustus – dr Jaco Barnard, NG Gemeente Despatch-Eendrag
29 Augustus – ds Charl Coetzee, NG Gemeente Walmer
31 Augustus – ds Nadine Stoffels, NG Gemeente Somerset-Oos
|
|
Indien ons 'n verjaarsdag miskyk, laat ons asb weet. Ons stel dit graag reg.
|
|
|
|
|
|
Leraars beskikbaar vir preekbeurte
(Hierdie is 'n dinamiese lys wat voortdurend aangepas word)
|
Die volgende predikante en diensleraars (meestal deeltydse leraars en/of emeriti) is beskikbaar om aflospreekbeurte waar te neem:
|
|
Gqeberha (Port Elizabeth)
|
|
Coetzee, ds Jan - 072 320 2844
|
|
Crous, ds Armand - 082 659 2616, armandcrous@gmail.com
|
|
Lötter, ds André - 084 371 3882, dslotter1@gmail.com
|
|
Oliphant, dr Anton - 084 516 7109
|
|
Swart, ds Sas - 082 552 3175, sas.swart1948@gmail.com
|
|
Van der Merwe, dr Carel - 082 821 7600, clvdm1@gmail.com
|
|
Van Rooyen, ds Johan - 082 564 6764
|
|
Van Velden, ds Enslin - 083 955 7327, enslin.vanvelden@gmail.com
|
|
Weyers, prop Chris - 081 270 4240, cjweyers1203@gmail.com
|
Wiid, dr Willem - 071 866 0771, wiidwillem@gmail.com
|
|
Kampman, ds Jan - 082 657 2375
|
|
Swart, ds Sas - 082 552 3175, sas.swart1948@gmail.com
|
|
Van der Merwe, ds Jos - 082 923 3167
|
|
Van Niekerk, ds Komatie - 082 455 0359
|
|
Van Velden, ds Enslin - 083 955 7327, enslin.vanvelden@gmail.com
|
|
Van Wyk, ds Johan - 082 536 2068
|
Vosloo, ds Johan - 083 320 8427, jvosloo51@gmail.com
|
|
Stümke, ds Christo - 073 462 1660
|
|
Swart, ds Sas - 082 552 3175, sas.swart1948@gmail.com
|
|
Van Velden, ds Enslin - 083 955 7327, enslin.vanvelden@gmail.com
|
Vosloo, ds Johan - 083 320 8427, jvosloo51@gmail.com
|
|
Barnard, ds Hein - 083 456 0853, heinbarnard@lantic.net (ook beskikbaar vir Ring van Albanie en Oos-Londen)
|
Van Velden, ds Enslin - 083 955 7327, enslin.vanvelden@gmail.com
|
|
Aflos (oral) vir korter of langer periodes
|
|
Ds Enslin van Velden - 083 955 7327, enslin.vanvelden@gmail.com
|
Ds Pieter van Zyl - 073 225 8466, vanpzyl@gmail.com
|
|
Predikante wat graag op bogenoemde lys geplaas wil word, kan 'n e-pos met hul besonderhede stuur aan danie@ngkok.co.za
|
|
|
|
|
|
Leraars beweeg
Prop. Rion van Niekerk (diensleraar) is na NGK Dagbreek op Despatch beroep, en het die beroep aanvaar.
|
Prop. Ulrich Barnard (diensleraar) word op 10 Augustus 2025 te PE-Sherwood bevestig.
|
|
Kerkkantore word herinner om die Direkteur Sinode in kennis te stel oor die beweging van leraars. Hier is meer inligting hoe amptelike kennisgewings werk wanneer leraars beweeg.
|
|
|
|
|
|
|
