Nuus
Rukwind beskadig Willowmore se kerktoring

Rukwind beskadig Willowmore se kerktoring

Die kerktoring van die NG Gemeente Willowmore is deur die nag van 29-30 Junie 2021 deur sterk rukwinde beskadig (Foto: Facebook)

Sterk rukwinde het die kerktoring van die NG gemeente Willowmore deur die nag van 29-30 Junie 2021 beskadig. Die boonste deel van die toring, bestaande uit ‘n staalstruktuur, is geknak. Indien die gedeelte heeltemal sou afbreek en in ‘n westelike rigting val, sal dit die kerkgebou mis, sê ds JF Maasdorp, leraar van die gemeente.

Hy vertel die wind het besonder sterk gewaai, maar het “met rukke en plukke in verskillende rigtings” gepaard gegaan.

Volgens mnr Garth Simpson van die weerburo in Gqeberha het die windspoed 90 km/h in Willowmore gehaal.

Die huidige kerkgebou is volgens Wikipedia opgerig in die tentsyl (kappiekerk), baie gewild rondom die 1960’s en die opvolger van die Neo-Bisantynse boustyl was. Dis op 5 Desember 1964 aan die einde van die gemeente se eeufeesjaar ingewy.

Op hierdie foto van die kerkgebou kan die boonste gedeelte van die toring, wat op 29 Junie 2021 geknak het, duidelik gesien word (Foto: Wikipedia)
Die vorige kerkgebou van Willowmore, volgens Wikipedia waarskynlik ontwerp deur Carl Otto Hager, die grootste eksponent van die Neogotiese kerkboustyl in Suid-Afrika. Dit was die tweede kerkgebou van die gemeente, gestig in 1864. Die gebou is in 1879 ingewy terwyl ds George Murray die leraar was en is in 1964 deur die huidige kerkgebou vervang.
Print Friendly, PDF & Email
close
Teken in op Grens.Pos, ons e-nuusbrief
Ons hanteer jou data privaat en deel dit nie met buitestaanders nie.