Skip to main content

Hulp vir Predikante

INHOUDSOPGAWE

  • Bedienaar, Diensleraars, Predikante
  • Huweliksbevestigers
  • Logboek vir die eis van Reiskoste by die SAID
  • Predikanteversorging in gemeentes
  • Preekriglyne volgens die kerklike jaar

Bedienaars, Diensleraars, Predikante

Bediening in die NG Kerk word sedert die Algemene Sinode van 2019 as volg hanteer:

  • Bedienaars: Kerkraadslede wat deur eenjaar afstandsonderrig en praktiese inoefening onder leiding van ‘n plaaslike mentor ‘n sertifikaat te verwerf wat toelaat dat ringe en kerkrade hulle mag aanstel om bepaalde bedieningstake te verrig. Dit is vrywillige bediening en geen amptelike vergoeding is hieraan gekoppel nie. Die rol van Bedienaars word volledig beskryf in Besluit 4 op bl 261 van Kerkorde 2024.
  • Diensleraars: Dit is leraars wat vir ‘n bepaalde faset van bediening opgelei is, bv jeugwerk, en deur ‘n kuratorium by ‘n teologiese fakulteit gelegitimeer is. Na legitimasie word die persoon ‘n kerklik gesproke proponent en kan deur ‘n gemeente beroep word vir die spesifieke faset van bediening. Dit gebeur gewoonlik slegs by gemeentes waar daar reeds ‘n predikant in diens is. Reglement 11.2.3.8 bepaal: “Diensleraars werk altyd onder toesig van die betrokke plaaslike gemeente se predikant of in uitsonderlike omstandighede onder die toesig van ‘n ringspredikant.” Ringe Ringskommissies kan dus toestemming verleen dat ‘n diensleraar in uitsonderlike omstandighede in ‘n gemeente bevestig word, maar dan onder toesig van ‘n ringspredikant. Die rol van Diensleraars word volledig beskryf in Reglement 18 op bl 162 van Kerkorde 2024. ‘n Register met die name en besonderhede van diensleraars word jaarliks in die Kerkjaarboek publiseer. Stuur ‘n e-pos aan bevoegdheid@ngkerk.org.za om vas te stel of ‘n persoon ‘n gelegitimeerde diensleraar is.
  • Predikante: Predikante is opgelei om alle fasette van bediening in gemeentes te kan hanteer. Predikante word deur ‘n kuratorium gelegitimeer en kan dan na ‘n gemeente beroep word. Die rol van predikante kan nie vervang word deur diensleraars of bedienaars nie. Diensleraars en bedienaars funksioneer onder die mentorskap van predikante wat deur die gemeente (vir diensleraars) of ring (vir bedienaars) aangewys is.
  • Termyn: Predikante en diensleraars kan voltyds, deeltyds, vir onbepaalde termyn of ‘n vaste termyn aangestel word. Reglemente 10 tot 16 in Kerkorde 2024 beskryf hierdie verskillende rolle en vorme van predikantsbediening. ‘n Register met die besonderhede van predikante word jaarliks in die Kerkjaarboek publiseer. Stuur ‘n e-pos aan bevoegdheid@ngkerk.org.za om vas te stel of ‘n persoon ‘n gelegitimeerde predikant is.

Huweliksbevestigers

  • Geldende omsendskrywe van die Dept Binnelandse Sake wat huweliksbevestigings reël – huweliksbevestigers moet bekend wees met die inhoud
  • Daar is drie dokumente wat bevestigers saam met die ander dokument by die registrasie van die huwelik moet indien (let veral op par. (b) wat op bl 4 in bogenoemde omsendskrywe begin):
    • Beëdigde verklarings – by polisie afgeneem – van elke party in die huweliksluiting om hul huwelikstatus te bevestig.
    • Dokument van Binnelandse Sake wat die egliede se huwelikstatus op Binnelandse Sake se huweliksregister bevestig
    • Dokument van Binnelandse Sake van elke party wat bevestig dat hulle identiteitsnommer geldig is
  • Hier is die handleiding vir huweliksbevestigers wat deur die Dept van Binnelandse Sake verskaf word.

Logboek vir eis van reiskoste by SA Inkomstediens

  • Logboek vir 2024-25 (Excel) – hierdie is nie ‘n amptelike dokument nie en word bloot as hulpmiddel verskaf. Gebruikers aanvaar self verantwoordelikheid vir die inhoud daarvan.
  • Logboek vir 2023-24 (Excel) – hierdie is nie ‘n amptelike dokument nie en word bloot as hulpmiddel verskaf. Gebruikers aanvaar self verantwoordelikheid vir die inhoud daarvan.

Predikanteversorging in gemeentes

  • Die A tot Z-handleiding voorsien dat elke gemeente oor ‘n groep beskik wat omvattende versorging van die predikant hanteer. Hier is riglyne daarvoor.

Preekriglyne volgens die liturgiese jaar