Grens.Pos is die weeklikste e-Nuusbrief van die NG Kerk in Oos-Kaapland.

Klik hier vir die Grens.Pos van 3 Augustus 2017 (Nr 24).

#imagine 2017 groei as jeugbeweging met pragtige momentum. Sowat 900 jongmense het te Mentorskraal, Jeffreysbaai saamgetrek oor die naweek van 18-21 Maart.

Hier is die belewenisse van die Oos-Kaapse jongmense:

Dag 1:

Dag 2:

Lees ook hoe Kerkbode oor die byeenkomste berig het.

Belangrike inligting oor #imagine 2017

Ons hoop julle is net so opgewonde soos ons oor hierdie jaar se #imagine fees. Baie dankie vir jou bereidwilligheid om op een of ander manier deel van hierdie movement te wees! Ons waardeer elkeen se hulp hiermee opreg!

Sommer net ’n vinnige e-pos met meer inligting oor #imagine 2017:

2017 Datum en Program

Hierdie jaar se #imagine vind plaas van 18 – 20 Maart 2017.

Die Oos-Kaap fees is weer by Mentorskraal, Jeffreysbaai.

Registrasie open 10:00 op Saterdag 18 Maart en die amptelike program begin eers die aand 18:00.  Die eerste ete wat deur #imagine verskaf word sal aandete wees om 17:30.

Ons laaste sessie van die naweek sal Maandagaand 20 Maart om 23:00 klaarmaak.

So julle as groep kan dan besluit om Maandagaand oor te slaap of om direk na die sessie die pad terug aan te pak.

Tieners , groepleiers en volunteers

Enige iemand is welkom om deel te wees van die #imagine beweging.

Vrywilligers – Enige iemand kan ‘n vrywilliger wees. Vrywilligers help met die algemene take soos, kospakkies, op en afslaan van stasies, en vorm deel van algemene program deur loop van  naweek. Vrywilligers kan ook spesifiseer indien hul spesifiek by gebed en of berading stasie wil dien.

Groepleiers – Enige iemand wat lief is vir Jesus en ‘n passie het vir tieners. Van ouers, onderwysers, kategete, predikante, pastore, studente en pensionarisse (met ‘n skop)… enige persoon is welkom om groepleier te wees. Groepleiers sal materiaal en toerusting ontvang wat hulle help om naweek voluit aan te pak en geniet. Groepe sal tydens die eerste sessie ingedeel word. Groep grootte wissel ts 6-10 per groep.

Tieners – #imagine experience is spesiaal vir die jongmense Gr7-Gr12.

iTickets

Kaartjies is beskikbaar op iTickets.

https://itickets.co.za/events/372173.html

Kostes:

Tieners R450

Groepleier R470

Vrywilliger R470

Groep-inskrywings

Hierdie jaar doen iTickets nie meer groep inskrywings nie, net individuele inskrywings. Indien jou groep tieners nie elkeen self ‘n kaartjie koop op iTickets nie, kan jy deur die feeskantoor ‘n groepbespreking doen. Julle vul die informasie van elke inskrywing vir ons op daardie “excel sheet” (aangeheg) in en stuur dit terug na ons kantoor en doen dan ‘n EFT.

Vorm en bewys van betaling kan gestuur word na:  ec@imaginemovement.co.za

Brugbou uitdaging aan gemeentes!

Ons wil graag ELKE gemeente uitdaag om ’n ander gemeente of gemeenskap te nooi na #imagine 2017.  Dalk is daar ’n ander denominasie of gemeenskap wat nog nooit gehoor het van #imagine nie, of dit nie alleen kan bekostig nie! Gaan kuier sommer dadelik by hulle en maak saam planne om hierdie jaar saam te gaan. Hierdie is ‘n wonderlike brugbou geleentheid. Ons wil gemeentes ook uitdaag om ten minste 10% van tieners wat hul saambring te borg (met ander woorde om aan minderbevoorregte jongmense ‘n geleentheid te gee om ook #imagine 2017 by te woon).

Belangrike skakel!

https://www.dropbox.com/sh/yln8gtgbr9d6iqt/AABeBxB7fXWobDCNY7xZ6o9-a?dl=0

Hierdie is ‘n dropbox skakel met die inskryfvorms en bemarkingsmateriaal wat jy kan gebruik om #imagine 2017 in jou gemeente/dorp sigbaar te maak!

Info

Vir nog meer info oor #imagine , getuienisse, die ontstaan, foto’s en video’s besoek gerus :

webtuiste – imaginemovement.co.za

Facebook – www.facebook.co.za/imaginemove

whatsapp – 079 991 7847

As daar enige vrae is, moenie huiwer om te e-pos of te skakel nie.

#imagine-Groete,

imagine oos-kaap span

ec@imaginemovement.co.za

0849006816 (Barbara-Mari Swarts)

Die Biddag vir Onderwys val vanjaar op 12 Februarie. Skole het die ondersteuning van gemeentes broodnodig. Die NG Kerk het ‘n kosbare geskiedenis van betrokkenheid by die onderwys. Gemeentes word gevra om tydens eredienste op 12 Februarie aandag te gee aan die belangrike saak. Sake waarvoor voorbidding gedoen kan word is:

• Die minister van Onderwys en plaaslike onderwys-strukture
• Dankbaarheid vir uitstekende skoolhoofde, onderwysers, dosente, ouers en leerders
• Plaaslike skole, skoolhoofde, beheerliggame, onderwysers en leerders
• Die rol wat organisasies soos die SAOU en FEDSAS speel om gehalte onderwys te verseker
• Kalmte en veilige omstandighede op Universiteite en Technikons vir student om te studeer
• Die saak waarin ses skole oor hul godsdiensbeleid deur die Organisasie vir Godsdiensonderrig en Demokrasie (Ogod) voor die hof gedaag word, wat van 15 tot 17 Mei in die hooggeregshof in Johannesburg aangehoor word. Die Federasie vir Beheerliggame van Suid-Afrikaanse Skole (Fedsas) verteenwoordig die ses skole in die saak. Die NG Kerk is as vriend van die hof by die saak betrokke.

Klik hier om ‘n gebed vir opvoeders as te laai.

Ds Barbara-Mari Swarts (PE-Lorraine-gemeente) en ds Deon Els (Kraggakamma-gemeente) van die Oos-Kaapse #imagine reëlingskomitee vertel meer oor die 2017-byeenkoms wat van 18-21 Maart 2017 te Mentorskraal, Jeffreysbaai plaasvind.

Hulle beantwoord ‘n paar vrae:

Een: Wat gebeur alles by #imagine-2017?

Twee: Waarom moet gemeentes hulle jongmense en jeugspanne stuur?

Drie: Wat was #imagine se impak in die verlede op jongmense, gemeentes en gemeenskappe?

Meer inligting is beskikbaar by www.imaginemovement.co.za

Ons is bewus van baie gemeentes wat deurlopend voorbidding doen vir die enorme omvang van die droogte, die leed en ekonomiese rampspoed wat dit meebring, en vir die uitkoms van reën.

Nogtans vra ons hiermee alle gemeentes in Oos-Kaapland om Sondag, 11 Desember 2016 as ‘n Dag van Verootmoediging en Gebed vir Reën in te rig.

Ons beleef die droogte almal op verskillende maniere. Stedelinge en dorpenaars moet die krane versigtig oopdraai en toesien hulle tuine verdor. Ander het veel swaarder. Ons harte gaan veral uit na landbouers regoor Suider-Afrika wat elke dag eerstehands moet saamleef met die verdorde aarde en diere wat swaarkry.

Daarom gaan ons Sondag hand en hart ophef na die Here en smeek vir uitkoms.